Elordanyń kezekti «Qurmetti azamattary» ataldy
ASTANA. QazAqparat - Elorda máslıhatynyń kezekti sessııasynda qala ákimi apparaty basshysynyń orynbasary Azamat Ahmedjanov «Astana qalasynyń qurmetti azamaty» ataǵyna usynylǵan adamdardyń tizimin jarııalady, dep habarlaıdy QazAqparat elorda.info medıa-resýrsyna silteme jasap.
Atap aıtqanda, olardyń qatarynda «Ardagerler uıymy» respýblıkalyq qoǵamdyq birlestigi Astana qalalyq fılıaly men qalalyq Qoǵamdyq keńestiń tóraǵasy Sansyzbaı Esilov, memleket qaıratkeri Jánibek Káribjanov, «Kontsern «Tsesna-Astyq» JShS basqarma tóraǵasy Nıkolaı Meşerıakov, professor, jazýshy, Frantsııanyń Memlekettik keńesiniń qurmetti múshesi Jak Attalı bar.
Qalalyq máslıhat depýtattary bul tulǵalardy atalǵan ataqqa biraýyzdan laıyq dep tapty. Ataqty tapsyrý saltanaty Astana kúni merekesine oraı ótedi.
Sessııa jumysyna Astana ákiminiń orynbasary Andreı Lýkın, QR Parlamenti Májilisiniń depýtattary Sapar Ahmetov, Qanat Mýsın, Pavel Kazantsevter qatysty.
