Elordanyń kez kelgen emhanasynda arnaıy skrınıngtik kabınetter ashylǵan
ASTANA. 18 aqpan. QazAqparat - Skrınıngtik tekserý júrek-qan tamyrlary, qaterli isik pen týabitti aýrýlardy erte kezeńinde anyqtaýdyń negizgi múmkindikteriniń biri bolyp tabylady, dep habarlaıdy Astana qalasynyń resmı saıty Densaýlyq saqtaý basqarmasyna silteme jasap.
Vedomstvonyń aqparaty boıynsha, qalanyń kez kelgen emhanasynda aldyn alý jáne áleýmettik-psıhologııalyq kómek bólimi quramynda arnaıy skrınıngtik kabınetter ashylǵan.
Eske salaıyq, keıingi 5 jyl kóleminde 2011-2015 jyldarǵa arnalǵan Qazaqstan Respýblıkasynyń densaýlyq saqtaý salasyn damytýǵa baǵyttalǵan «Salamatty Qazaqstan» Memlekettik baǵdarlamasy aıasynda elordanyń emhanalarynda skrınıngtik tekserýler júrgizilýde. Onyń negizgi maqsaty aýrýdy erte kezeńinde anyqtap, aldyn ala emdeý bolyp tabylady.
«Jyldan-jylǵa jetildirilip kele jatqan skrınıngtik baǵdarlama engizýdiń tıimdiligine kóz jetkize otyryp, qalanyń medıtsına qyzmetkerleri osy atalǵan tekserýden ótýde turǵyndardyń barynsha jaýapkershilik tanytyp, belsendirek bolýlaryn suraıdy. Skrınıngten ótý tegin. Tek turǵylyqty jerdegi emhanaǵa kelip, qaralý týraly usynys jasalady», - delingen taratylǵan habarlamada.
Sonymen qatar, jyl saıyn medıtsına mekemeleri keń aýqymdy «Densaýlyq joly» ashyq esik kúni aktsııasyn ótkizedi.
