Elordanyń keıbir kóshelerinde avtokólik qozǵalysy toqtatylady
ASTANA. QazAqparat - Astananyń keıbir kóshelerinde avtokólik qozǵalysy toqtatylady, dep habarlaıdy elorda ákimdiginiń resmı saıty.
«Jangeldın kóshesin qalpyna keltirýge baılanysty 8 maýsymnan bastap Beıbitshilik kóshesi men Respýblıka dańǵyly arasyndaǵy jol bóliginde avtokólik qozǵalysy toqtatylady.
Astana qalasynyń jolaýshylar kóligi jáne avtomobıl joldary basqarmasynyń habarlaýynsha, qalpyna keltirý aıasynda sý qubyryn, jylý trassasyn, nóserlik jáne sharýashylyq-turmystyq káriz tartý jumystary júrgiziledi. Sonymen qatar, irgeles jatqan aýmaq abattandyrylyp, jaıaýjoldar jasalady, jaryqtandyrý ornatylady. Atalǵan jol bóligindegi kólik qozǵalysyn ústimizdegi jyldyń 1 qyrkúıegine deıin qamtamasyz etý josparlanyp otyr.
Aqparattandyrý úshin qajetti eskertý jáne tyıym salý belgileri qoıylǵan. Avtokólik júrgizýshilerine joldaǵy keptelis jaǵdaılaryn boldyrmaý úshin jol baǵdarlaryn aldyn ala josparlaýǵa keńes beremiz», - dep jazylǵan habarlamada.
