Elordanyń QAJ departamenti bastyǵynyń orynbasary qylmyskerlerdi óz maqsatyna paıdalanǵany úshin isti boldy
ASTANA. 27 maýsym. QazAqparat - Astana qalalyq qylmystyq atqarý júıesi departamenti bastyǵynyń orynbasary B.Meırambekovke qatysty qylmystyq is boıynsha tergeý aıaqtalyp, is sotqa jiberildi.
Bul aqparatty Astana qalalyq ekonomıkalyq jáne sybaılas jemqorlyqqa qarsy kúres departamentiniń baspasóz qyzmeti taratyp otyr.
Vedomstvoda ótken brıfıngte kórsetilgen beınematerıalda Meırambekovtiń qyzmet babynyń sheginen shyǵa otyryp, ózine tıesili qurylys materıaldaryn jetkizip salý úshin qyzmettik avtokólikti jáne 2 qylmystyq sottalǵandardy bólý týraly qol astyndaǵylaryna nusqaý beredi. Júrgizýshi qyzmettik avtokólikpen 2 sottalýshyny Meırambekovtiń turatyn meken-jaıyna apardy. Ol jerde sońǵynyń nusqaýymen qurylys materıaldary (esikter men terezeler) tıelip, Ilınka eldi mekenine jetkizildi.
Osylaısha, Meırambekov, quqyq qorǵaý organynyń basshysy bola tura, zańsyz memlekettik kólikti óziniń jeke maqsattarynda qoldandy jáne túzetý mekemesinen qylmystyq sottalǵandardy zańsyz shyǵaryp jumysqa paıdalandy.
Sonymen qatar, Meırambekov túzetý mekemesine jumysqa ornalastyrý úshin 100 myń teńge somasynda para alǵandyǵy úshin de aıyptalyp otyr.
