Elordanyń qalalyq máslıhatyna qansha partııanyń ókili ótkeni belgili boldy

NUR-SULTAN. QazAqparat – Búgin Ortalyq saılaý komıssııasynda Qazaqstan Respýblıkasy máslıhattary depýtattaryn saılaý qorytyndylary qaraldy, dep habarlaıdy QazAqparat tilshisi.

Nur-Sultan qalasy boıynsha saılaý komıssııasynyń tóraıymy Baqyt Bektemisovanyń aıtýynsha, elordada máslıhat depýtattaryn saılaýǵa 5 saıası partııa qatysty.

«Nur-Sultan qalasynyń máslıhatyna 31 mandat qamtyldy. Qalalyq máslıhat depýtattyǵyna partııalyq tizimge barlyǵy 88 kandıdat tirkeldi. «Saılaý týraly» QR Konstıtýtsııalyq zańyna sáıkes, saılaý qorytyndysy negizinde saıası partııalar úshin depýtattyq mandattardy tıisti deńgeıde bólý belgilendi», - dedi Bektemisova.

Osy oraıda: Qazaqstan Halyq partııasy – 2 mandat, Nur Otan partııasy - 26 mandat, «Aq jol» partııasy – 3 mandat.