Elordanyń qala mańy aımaǵyna 81 eldi meken qosyldy
ASTANA. 21 shilde. QazAqparat /Marlan Jıembaı/ - Elordanyń qala mańy aımaǵyna 81 eldi meken qosyldy. Bul týraly QazAqparat tilshisine bergen suhbatynda «Astana qalasynyń bas jospary» MKK dırektorynyń birinshi orynbasary Ǵalymjan Qasymov aıtty.
«Buǵan deıin qala mańy aımaǵyna 16-17 eldi meken kirgen bolatyn. Kez kelgen qalanyń tóńireginde qala mańy aımaǵy bolýy kerek. Bul onyń bolashaqta damýy úshin qajetti rezervtik terrıtorııa bolyp tabylady», - dedi ol.
Onyń atap ótýinshe, qala mańy aımaǵynyń shekarasy jol júrý ýaqyty 2 saǵattan aspaıtyn radıýsta ornalasýy qajet. Sonymen elordanyń qala mańy aımaǵyna Tselınograd, Shortandy, Arshaly aýdandarynyń birqatar eldi mekenderi kirip otyr.
