Elordanyń qaq ortasynda kólik aýdarylyp, bir adam kóz jumdy
NUR-SULTAN. QazAqparat – Nur-Sultan qalasynyń Respýblıkasy dańǵylynda kólik aýdarylyp, ishindegi jolaýshy qaıtys boldy, dep habarlaıdy QazAqparat tilshisi qalalyq Polıtsııa departamentine silteme jasap.
«5 qazan kúni saǵat 02:10 shamasynda «Toyota Estima» markaly avtokólikpen Respýblıka dańǵylynda kele jatyp, kólik tizginine ıe bola almaı, temir qorshaýǵa soqtyǵysqan. Osydan keıin kólik aýdarylyp qalǵan», - dep habarlaıdy Nur-Sultan qalalyq Polıtsııa departamentiniń baspasóz qyzmetinen.
Jol-kólik oqıǵasy saldarynan jaraqat alǵan kóliktegi jolaýshynyń jan tapsyrǵany habarlanyp otyr. Kólik júrgizýshisi ártúrli dene jaraqatymen aýrýhanaǵa jetkizilgen. Atalmysh fakt boıynsha qazirgi ýaqytta QR QK 345-baby 3-bóligi boıynsha sotqa deıingi tergeý júrgizilýde.
