Elordanyń irgesindegi eldi mekenderde dezınfektsııalaý jumystary júrip jatyr
KÓKShETAÝ. QazAqparat – Aqmola oblysynda koronavırýs ınfektsııasynyń taraýynyń aldyn alý maqsatynda karantınge alynǵan elordanyń irgesindegi eldi-mekenderde dezınfektsııalaý jumystary júrip jatyr, dep habarlaıdy QazAqparat tilshisi oblystyq ishki saıasat basqarmasyna silteme jasap.
Vedomstvonyń málimetinshe, jappaı dezınfektsııalaý jumystary adamdar kóp jınalatyn HQO, bazar, áleýmettik nysandar sııaqty qoǵamdyq oryndarda qolǵa alynǵan.
Tselınograd aýdany ákimdiginen atap ótkendeı, sanıtarlyq tazalyq pen dezınfektsııalaý jumystary barlyq nysandarda júrgiziletin bolady.
«Alma El» JShS arnaıy brıgadasy turǵyn úılerdi dızenfektsııalady. Turǵyn úılerdiń kire berisi ǵana emes, páter ishi de óńdelýde. Búgingi kúni Qosshy aýylynda turǵyn úılerdiń 415 kireberisi dezınfektsııalandy. Koronavırýs ınfektsııasynyń taralýyna jol bermeý baǵytynda úılerdiń kireberisi, esikter, lıfti, baspaldaq, tereze «Remedın oksı» preparatymen óńdeldi. Bul eritindi ámbebap jáne allergııa týdyrmaıdy», - deıdi Tselınograd aýdany ákimdiginen.
Kásiporyn bir aptanyń ishinde qaıtara dezınfektsııalaý jumystaryn júrgizedi. Sonymen qatar, aýdan ortalyǵy – Aqmol aýyly jáne ózge eldi mekenderde de santıralyq óńdeý sharalary qolǵa alynady.
