Elordanyń irgesin qalaýshylar astanada bas qosty
Bas qosýǵa qala ákimi Altaı Kólginov, elimizge eńbegi sińgen arhıtektor, «Aqmolastroı» JShS dırektory Serik Rýstambekov, kezinde Astana qalasy ákimdiginiń basshylyq qyzmetterinde bolǵan belgili qoǵam qaıratkeri, kompozıtor Tólegen Muhamedjanov jáne Farıt Ǵalymov, Eýrazııa telearnasy bas dırektorynyń orynbasary Svetlana Jalmaǵambetova, Eýrazııa medıtsınalyq qaýymdastyǵynyń vıtse-prezıdenti Nadejda Petýhova jáne taǵy basqa tulǵalar qatysty.
Elordadaǵy QR Tuńǵysh Prezıdenti – Elbasy kitaphanasynda bas qosqan qonaqtar, kitaphana ishindegi mýzeıdi aralap, onyń jumysymen tanysty.
Kitaphana 2013 jyly brıtandyq tanymal sáýletshi Norman Fosterdiń jobasy boıynsha boı kótergen bolatyn.
«Sizderdi QR Tuńǵysh Prezıdenti-Elbasy kitaphanasynda kórgenimizge qýanyshtymyz. Onyń ústine búgin elorda tarıhy úshin aıtýly data. Búgingi maqtan tutatyn astanamyzdyń negizin sizder qaladyńyzdar. Jalpy bul ǵımaratta Elbasy kitaphanasy men mýzeı ornalasqan jáne ol ótken jyldyń aıaǵynda qoldanysqa berildi. Ǵımarat 3 qabattan turady jáne 40 myń sharshy metrdi quraıdy. Mýltımedııalyq mýzeı birneshe bólimnen turady.
Ekinshi qabatta 2 myń adamǵa arnalǵan úlken zal ornalasqan. Búgin túske deıin ol jerde bılik basshylarynyń qatysýymen kontserentsııa ótti. Zal zamanaýı túrde jabdyqtalǵan.
Al úshinshi qabatta jumys keńseleri, kovorkıng, balalarǵa arnalǵan bilim berý jáne shyǵarmashylyq ortalyqtar bar», - dedi QR Tuńǵysh Prezıdenti – Elbasy kitaphanasynyń dırektory Baqytjan Temirbolat.
Eske sala ketsek, 1997 jyly 10 jeltoqsan kúni Qazaqstan Respýblıkasynyń astanasy Almaty qalasynan Aqmola qalasyna kóshirildi.
