Elordanyń «Internatsıonalnyı» turǵyn úı alabynda bos oryndar jármeńkesi ótedi

ASTANA. 18 qyrkúıek. QazAqparat - 20 qyrkúıekte «Internatsıonalnyı» turǵyn úı alabynda, №44 orta mektep ǵımaratynda bos oryndar jármeńkesi ótedi. Bul týraly astana.kz saıtyna qalalyq Jumyspen qamtý jáne áleýmettik baǵdarlamalar basqarmasynan habarlady.

«Jármeńkede Astana qalasy Jumyspen qamtý jáne áleýmettik baǵdarlamalar basqarmasynyń mamandary ár túrli máseleler boıynsha keńester beredi, qaıta oqytý jáne jańa mamandyq alýdyń múmkindikteri, oqý oryndarynyń túlekterine jastar tájirıbesinen ótý múmkindikteri týraly kópshilikti habardar etedi»,- delingen vedomstvo aqparatynda.

Astana qalasy Eńbek ınspektsııasy jónindegi basqarma qyzmetkerleri qaýipsizdik jáne eńbekti qorǵaý máseleleri boıynsha keńester berip, Zeınetaqy tóleý memelekettik ortalyǵy (ZTMO) zeınetaqy men járdemaqy alýǵa qujattardy jınaý tártibi týraly aıtyp beredi.

Sonymen qatar, kásiptik beıimdelý jumystaryn júrgizý maqsatynda atalǵan mekteptiń 9 jáne 11 synyp oqýshylary, qalalyq kolledjderdiń ókilderi elordadaǵy orta kásiptik bilim berý oqý oryndarynda qandaı qajetti mamandyqtar boıynsha bilim alýǵa bolatynyn aıtyp, kórsetip beredi.

Bos oryndar jármeńkesi saǵat 10.00-13.00 ótedi.