Elordanyń Esil aýdanynda qýraǵan shóp órtendi
NUR-SULTAN. QazAqparat - Elordanyń Esil aýdanynda órt shyqty, dep habarlaıdy QazAqparat qalalyq TJD baspasóz qyzmetine silteme jasap.
« 21:19-da astanalyq órt sóndirýshiler Esil aýdanyndaǵy 128-kóshede shyqqan órtti sóndirýge attandy. Onda qýraǵan shóp janǵan. Jeke quramnan 30 adam 6 tehnıkamen tilsiz jaýdyń betin qaıtarýǵa kúsh saldy. Sondaı-aq, oqıǵa ornyna ákimdikten 4 sý shashqysh mashına jiberildi» dep habarlaıdy vedomstvonyń baspasóz qyzmeti.
Tótenshe jaǵdaılar departamenti órtti sóndirýge údeı soqqan jel aıtarlyqtaı kedergi keltirgenin málimdegen. Japa shekkender men qaza bolǵandar joq. 22:16-da órt sóndirildi.
