Elordanyń «Esil» aýdanynda áleýmettik nysandarǵa degen zárýlik joıylyp keledi - aýdan ákimi
ASTANA. 5 tamyz. QazAqparat /Aıdar Ospanalıev/ - Elordanyń «Esil» aýdanynda áleýmettik nysandarǵa degen zárýlik joıylyp keledi.
Bul týraly búgin atalmysh aýdannyń qurylǵanynan 3 jyl tolýyna baılanysty ótken merkelik sharalar barysynda aýdan ákimi Qaırat Jańabergenov málim etti.
Onyń sózine qaraǵanda, 2008 jyly «Esil» aýdany qurylǵan tusta, osy aımaqta nebári 4 mektep bolǵan. ıAǵnı 2,5 myń bala mektepke zárý edi. «Budan soń aýdanda taǵy 3 mektep ashylyp, bul másele birshama joıyldy. Sondaı-aq aýdanda 3 jyl ishinde 64 nysan paıdalanýǵa berilgen. Qazir olardyń ıgiligin 24 myń adam kórýde. Bul azamattardyń otbasylarynyń bar ekendigin eskersek, aýdanda balabaqshaǵa degen suranys ta zor. 3 jyl ishinde 5 balabaqsha boı kótergenimen, áli de 2,5 myń búldirshinge oryn kerek bolyp otyr. Osyǵan qaraı bıylǵy jyldyń sońyna deıin taǵy 4 balabaqshanyń iske qosylatynyn eskersek, bul problema da sheshiledi degen úmittemiz»,-dedi aýdan ákimi.
