Elordanyń eń úzdik eńbek dınastııalary anyqtaldy
ASTANA. QazAqparat - Astanada eńbek jáne otbasylyq dınastııalar arasynda ótken «Ulaǵatty áýlet» baıqaýynyń qorytyndylary belgili boldy dep habarlaıdy elorda ákimdiginiń medıa ortalyǵy.
Urpaqtar sabaqtastyǵyn saqtaý, eńbek adamyna qurmet kórsetý, eńbek dástúrlerin saqtaý jáne nyǵaıtýǵa baǵyttalǵan baıqaýdy Astana qalasy ákimdigi Іshki saıasat basqarmasynyń qoldaýymen «Qarsy qoǵamdyq jastar qozǵalysy» qoǵamdyq birlestigi uıymdastyrdy.
Baıqaýǵa baılanys, poshta, kólik, kommýnaldy sharýashylyq jáne áskerı salalarynda kóp jyldyq tájirıbesi bar otbasylar qatysty. Qazylar alqasy jeńimpazdardy «Eń talantty otbasy», «Eń tatý otbasy», «Eń shyǵarmashyl otbasy», «Eń qýanyshty otbasy», «Eń belsendi otbasy», «Eń ıntellektýaldy otbasy», «Eń maqsatshyl otbasy», «Eń sporttyq otbasy», «Eń mýzykalyq otbasy», «Eń kóńildi otbasy» atalymdary boıynsha anyqtaǵan bolatyn.
Osylaısha, Strebkovtar, Bektasovtar, Tleýbaevtar, Bazarbaevtar, Kotyrevter, Shıshkınder, Býıakovtar, Makarychevter, Rýsaınovtar, Spartaevtar áýletteri «Ulaǵatty áýlet» baıqaýynyń jeńimpazdary bolyp tanyldy.
Jeńiske qol jetkizgen áýletterge maqtaý qaǵazdary men baǵaly syılyqtar tabystaldy.
Aldaǵy ýaqytta atalmysh baıqaýdyń jeńimpazdary týraly beınerolıkter túsirilip, osy otbasylarmen astanalyq kolledj, JOO-nyń stýdentteri kezdesetin bolady.
