Elordanyń eltańbasy men týyn ózgertý usynyldy

ASTANA. QazAqparat – Depýtattar elorda eltańbasy men týyn ózgertýdi usyndy, dep habarlaıdy QazAqparat Astana qalalyq máslıhatyna silteme jasap.

Ózgertý jobasy «Ashyq NQA» saıtynda jarııalandy , joba boıynsha jarııa talqylaý tórtinshi qazanǵa deıin jalǵasady. Jobada avtorlar Astananyń týy men eltańbasyn ózgertýdi usynyp otyr.

Elorda máslıhatynda 2019 jyldyń mamyr aıynda bekitilgen Nur-Sultan sımvoldaryn sıpattamaǵa sáıkes keletin jańa rámizderge aýystyrýdy usynyp jatyr.

«Qazaqstan Respýblıkasy astanasynyń mártebesi týraly» Qazaqstan Respýblıkasy Zańynyń 3-babynyń, «Quqyqtyq aktiler týraly» Qazaqstan Respýblıkasy Zańynyń 46-babynyń, «Qazaqstan Respýblıkasynyń elordasy – Nur-Sultan qalasynyń ataýyn Qazaqstan Respýblıkasynyń elordasy – Astana qalasy dep ózgertý týraly» Qazaqstan Respýblıkasy Prezıdentiniń 2022 jylǵy 17 qyrkúıektegi № 1017 Jarlyǵynyń negizinde, Qazaqstan Respýblıkasynyń elordasy – Astana qalasy rámizderiniń sıpattamasyn jáne olardy paıdalaný tártibin sáıkestendirý qajet», - delingen Máslıhattyń túsindirmesinde.