Elordanyń eldi mekenderi joǵary jyldamdyqty ınternetke qosyla bastady
Astana ákimdiginiń málimetinshe, bul Tsıfrlandyrý jáne memlekettik qyzmet basqarmasy men «Kazakh Home Networks» JShS birlesken jobasynyń arqasynda iske asyrylady.
Aıta keteıik, Saryarqa aýdanyndaǵy sapasyz ınternet máselesi 8 jylǵa jýyq ýaqyt boıy sheshimin tappaǵan. Búginde jelilerdi qosý boıynsha belsendi jumys júrgizilýde, joǵary jyldamdyqty ınternetke aldymen Barshyn, Ulytaý, Saýmalkól, Qulanótpes, Aıdarly kósheleriniń boıynda turatyn Kóktal 2-niń batys bóliginiń turǵyndary qol jetkizedi. Alǵashqy abonentterdi qosýdyń shamamen merzimi - qazan aıynyń ortasy.
Sodan keıin jańa turǵyndardy baılanysqa qosý shyǵys baǵytta júredi. «Kóktal-2» talshyqty-optıkalyq baılanys jelilerimen tolyq qamtýdy qarasha aıynyń ortasynda aıaqtaý josparlanyp otyr. Aıaqtalǵan soń Kóktal-1 jáne Agroqalashyq aýdandarynda da osyndaı jumystar bastalady.
Aıta ketý kerek, jeke sektor turǵyndaryna tegin qosylý, ıkemdi tarıftik josparlar jáne joǵary qyzmet kórsetý deńgeıi usynylady.