Elordanyń eko-festıvaline 20 mektep qatysty
ASTANA. QazAqparat - Astanada mektep oqýshylaryna ekologııalyq máselelerdi sheshýge baýlý maqsatyn kózdegen «Astana! Birge jarqyn! Eko-fest - No waste» atty eko-festıval bolyp ótti, dep habarlaıdy «QazAqparat» HAA tilshisi.
Eko-festıvaldiń negizgi maqsaty - belsendi azamattyq ustanymdy qalyptastyryp, aımaqtardaǵy ekologııalyq máselelerdi sheshýge ǵylymı túrde jas býyndy jumyldyrý bolyp tabylady. Sonymen birge, mektep oqýshylaryn ıntellektýaldy, shyǵarmashylyq, zertteý jáne tájirıbelik ispen aınalysýǵa yntalandyrý kózdelgen.
Astanada bastalatyn atalmysh festıval aldaǵy ýaqytta Qazaqstannyń barlyq aımaǵynda jalǵasyn tappaq. Aıtýly sharaǵa búgingi tańda 5 myńǵa jýyq oqýshy men ata-anany, pedagogty qatystyrý josparlanyp otyr. Eko-festıvaldiń Astanada bastaý alýy qurmetine oraı elordadaǵy Syrbaı Máýlenov atyndaǵy №37 orta mektepte eńbekteri úzdik dep tanylǵan oqýshylar marapattaldy. Parlament Májilisiniń depýtaty Aıgúl Soloveva, Astana qalasy ákiminiń orynbasary Ermek Amanshaev, QR BUU Damý baǵdarlamasynyń turaqty ókili Mónhtýıa Altangerel, Qazaqstannyń ekologııalyq uıymdary qaýymdastyǵynyń tóralqa múshesi Saltanat Rahymbekova eńbekteri úzdik dep tanylǵan oqýshylardy marapattady.
«Búgingi kúni Astana qalasynda keremet shara ótip jatyr. Bul - negizinen Qazaqstannyń jastaryn jasyl ekonomıkaǵa, ekologııaǵa beıimdeýge arnalǵan shara. Astana qalasynyń 82 mektebiniń 300-ge tarta oqýshysy óz eńbekterin usynyp, búgingi kúni úzdik dep tanylǵandary osy sharaǵa shaqyrylyp otyr. Endigi kezekte Astanada bastalǵan osy shara 16 qalada jalǵasyn taýyp, konkýrs, festıvaldar uıymdastyrylady. Nátıjesinde, osy festıvalden jeńimpaz dep tanylǵan 16 balany lagerge demalysqa jiberýdi kózdep otyrmyz», - deıdi Saltanat Rahymbekova.
Saltanat Rahymbekova sharany uıymdastyrý kezinde jastarǵa EKSPO kórmesi keremet qanat bitirgenin baıqaǵanyn aıtady.
«Bolashaqta Elbasymyzdyń Joldaýyn júzege asyratyn - búgingi jastarymyz. Ekologııalyq máseleler, tsıfrlandyrý, balamaly energııa kózderin tabý taqyryptaryndaǵy túrli sharalarǵa 5 myńǵa jýyq oqýshyny tartamyz dep otyrmyz», - deıdi Saltanat Rahymbekova.
Eko-festıval aıasynda ekologııalyq marafon ótkizý kózdelgen. ıAǵnı, qaldyqtan (plastık, qaǵaz, shyny) art-dızaın jasaý, jastardy tarta biletin teatrlandyrylǵan qoıylymdaryn, jastar parlamentiniń eko-debattaryn, tımbıldıng ótkizý kózdelýde.
Al Astana qalasynyń bilim basqarmasynyń basshysy Ánýar Janǵozınniń aıtýynsha, álemde barlyq salada ózgerister bolyp jatqandyqtan, jastardy osy kóshten qazirder-aq qaldyrmaý kerek.
«Álemdik ózgerister bilim salasynda tyń amal-ádisterdi oılap tabýdy talap etedi. Mektep baǵdarlamasynan tys balalar bilim olımpıadalary men baıqaýlarǵa kóptep qatysyp jatqanyn atap ótkimiz keledi. Bul turǵyda balalardyń elimizdegi ekologııalyq máselelerdi sheshýde belsendilikterdi erekshe ekenin aıtqym keledi», - deıdi Ánýar Janǵozın.
