Elordanyń eki turǵyny 14 mln teńgege dızel otynyn zańsyz satqan

NUR-SULTAN. QazAqparat – Nur-Sultan qalasynyń Ekonomıkalyq tergeý departamenti elorda aýmaǵynda dızel otynyn zańsyz satý fakktisi boıynsha qylmystyq isti aıaqtady, dep habarlaıdy QazAqparat QR Qarjylyq monıtorıngi agenttigine silteme jasap.

Osylaısha, departament qyzmetkerleri jedel-izdeý sharalaryn ótkizý barysynda elordanyń eki turǵynynyń jalpy somasy 14 mln teńgeden asatyn dızel otynyn zańsyz tasymaldaý jáne saýdalaý faktisiniń jolyn kesken. Otyn zańdylyqty rastaıtyn arnaıy ruqsat berý qujatynsyz satylǵan. Qylmysty uıymdastyrýshylar shartty túrde úsh jylǵa bas bostandyǵynan aıyrý jazasyna kesildi.

Qarjy monıtorıngi jónindegi agenttik azamattardy janar-jaǵarmaıdy kúmándi satý oryndarynan satyp alýdan tartynýǵa úndeıdi.

Zańsyz janar-jaǵarmaı stansalary, sonyń ishinde zańsyz satylǵan dızel otyny jarylý qaýpi joǵary nysan.

Janar-jaǵarmaı materıaldaryn zańsyz satý faktilerin anyqtaý jaǵdaıynda myna senim telefony [phone] nemese Agenttiktiń áleýmettik jelidegi resmı akkaýnttary arqyly habarlasýǵa bolady. Facebook - https://www.facebook.com/afm.rk/ Instagram - https://www.instagram.com/afm_rk/