Elordanyń eki kóshesinde bir jaqty qozǵalys engiziledi
NUR-SULTAN. QazAqparat - Elordada Respýblıka dańǵylynyń boıyndaǵy «Esil» saýda úıiniń eki jaǵyndaǵy kóshede bir jaqty qozǵalys engiziledi, dep habarlaıdy QazAqparat ákimdiktiń saıtyna silteme jasap.
«15 aqpannan bastap qaladaǵy kólik quraldarynyń qozǵalysyn ońtaılandyrý maqsatynda Ramazan jáne Áýbákir Ysmaıylov kóshelerinde bir jaqty qozǵalysty engizý josparlanǵan», delingen habarlamada.
Qala ákimdigine turǵyndar tarapynan atalmysh kóshelerdegi qozǵalystyń qıyn ekendigi jóninde kóptegen ótinish kelip túsken. Nátıjesinde, Polıtsııa departamenti Ákimshilik polıtsııa basqarmasymen birge joldyń tehnıkalyq jaǵdaıyna sholý jasap, bir baǵytty qozǵalys engizý týraly sheshim qabyldady.
Aıta keterligi, Ramazan kóshesiniń boıynda №10 mektep ornalasqan.
«Kólik qozǵalysyn saǵat tilimen uıymdastyrý josparlanǵan, atap aıtqanda bir jaqty qozǵalys Ramazan kóshesiniń boıymen shyǵys baǵytta jáne Áýbákir Ysmaıylov kóshesimen batys baǵytqa qaraı uıymdastyrylady. Engiziletin ózgeristerge baılanysty quzyretti organdar júrgizýshilerden jol erejesin saqtap, sapardy aldyn ala josparlaýdy suraıdy», delingen habarlamada.
