Elordanyń eki aýdanynda sý qysymy nege tómendep ketkeni belgili boldy

ASTANA. QazAqparat – Elordanyń Esil men Nura aýdandarynda sý qysymynyń tómendeýine qubyrdyń zaqymdanýy sebep boldy. Bul jaıyna «Astana sý arnasy» mekemesinen málim etti, dep habarlaıdy QazAqparat tilshisi.

Kásiporyn baspasóz qyzmetiniń málimetinshe, Almaty aýdanyndaǵy Momyshuly, 1 mekenjaıynda ornalasqan jańa mektepke jol salý kezinde «Stroıpromınvest» JShS (tapsyrys berýshi – Bi Group) dıametri 150 mm-lik sý qubyryn zaqymdaǵan.

«Jaryqty biteý saǵat 01:25-ten 05:00-ge deıin sozyldy. Sondyqtan sol aralyqta sol jaǵalaý baǵytynda ótetin dıametri 1000 mm-lik sý qubyryn ýaqytsha jabýǵa týra keldi. Osy jumystardyń barysynda Esil jáne Nura aýdandarynda sý qysymynyń tómendeýi baıqaldy. Sý berý júıesi birtindep qalypqa kelip jatyr», - dedi «Astana sý arnasynan».