Elordanyń Dostyq úıinde 8 naýryzǵa oraı qaıyrymdylyq aktsııasy ótti

NUR-SULTAN. QazAqparat - Halyqaralyq áıelder kúnine oraı jáne «Igi ister marafony» aıasynda elordalyq Dostyq úıinde «Ahyska» túrik etnomádenı ortalyǵy Nur-Sultan qalasy Qazaqstan halqy Assambleıasynyń qoldaýymen merekelik is-shara ótkizdi, dep habarlaıdy QazAqparat qala ákimdiginiń resmı saıtyna silteme jasap.

Osymen onynshy jyl ótkizilip kele jatqan is-shara bıyl Táýelsizdiktiń 30 jyldyǵyna arnalǵan «30 ıgi is» aktsııasy aıasynda uıymdastyryldy.

Іs-shara qoǵam nazaryn zaǵıp jandardyń problemalaryna aýdarýǵa baǵyttalǵan. Jınalǵan áıelderdi Halyqaralyq áıelder kúnimen «Qazaq zaǵıptar qoǵamy» qoǵamdyq birlestiginiń basshysy Erǵalı Buharov quttyqtady.

Qaıyrymdylyq aktsııasy barysynda kontserttik baǵdarlama uıymdastyrylyp, gúlder men 50 estelik syılyq tabys etti. Onyń árqaısysynda jeke gıgıena quraldary men táttiler bar.

Elordalyq túrik etnomádenı ortalyǵynyń tóraǵasy Ásker Pırıev jınalǵandarǵa tilekterin aıtyp, bastamany únemi qoldap kele jatqan Qazaq zaǵıptar qoǵamyna alǵys bildirdi.