Elordanyń densaýlyq saqtaý salasynyń qyzmetkerleri meıirbıkeler shtatyn keńeıtýdi surady
ASTANA. QazAqparat - Elordanyń densaýlyq saqtaý salasynyń qyzmetkerleri meıirbıkeler shtatyn keńeıtýdi surap otyr. Bul týraly búgin bıylǵy 9 aıdyń qorytyndysy boıynsha Meıirbıkelik isti damytý boıynsha úılestirýshi keńestiń otyrysynda Astana qalasy densaýlyq saqtaý basqarmasy meıirbıkelik is boıynsha bas maman Majan Tuńǵyshbaeva málim etti.
«2015 jyldyń 30 qyrkúıegindegi jaǵdaı boıynsha orta medıtsınalyq qyzmetkerlerdiń sanyna toqtalatyn bolsaq, 5 705 áıel, 368 er qyzmetker bar. Dárigerlerdiń meıirbıkelerge shaqqandaǵy arasalmaǵy bir dárigerge 1,8 meıirbıkeden kelip otyr», - dedi M. Tuńǵyshbaeva.
Onyń sózinshe, eger de álemdik statıstıkaǵa súıensek, Japonııada bul kórsetkish bir dárigerge 9 meıirbıke, Túrkııada jáne Italııadar bir dárigerge bes meıirbıkeden keledi.
«Osy turǵyda tıisti nátıjeni shyǵarýǵa bolady. Bundaı kórsetkishpen meıirbıkelik isti reformalaý múmkin bolmaıdy. Bizge shtat kestesin ózgertý qajet», - dedi M. Tuńǵyshbaeva.
