Elordanyń Densaýlyq saqtaý basqarmasy oqýshynyń ólimine qatysty túsinik berdi
ASTANA. QazAqparat - Astana qalasynyń Densaýlyq saqtaý basqarmasy №59 mektep-lıtseıiniń 14 jastaǵy oqýshysynyń ólimine qatysty túsinik berdi, dep habarlaıdy QazAqparat.
Elordanyń Densaýlyq saqtaý basqarmasynan málim etkendeı, №59 mektepten «103» nómirine shaqyrtý 30 qarasha kúni 12 saǵat 19 mınýtta túsken. Saǵat 12.20-da kardıologııalyq brıgadaǵa habar berildi. 12 saǵat 32 mınýtta dereý júrek-ókpe reanımatsııasy jasala bastalǵan, biraq ol nátıjesin bermedi. «Belgisiz sebepten bolǵan bıologııalyq ólim belgilendi», - dep habarlandy basqarmadan.
Aıta keteıik, buǵan deıin astanalyq oqýshynyń ólimi jaıynda Bilim basqarmasy men ІІD túsinik bergen bolatyn.
«QazAqparat» agenttigi osyǵan deıin habarlaǵandaı, №59 mektep-lıtseıiniń 14 jastaǵy oqýshysynyń tabanasty kóz jumý faktisi boıynsha polıtseıler sotqa deıingi tergeýdi bastady. Sot-medıtsınalyq saraptama taǵaıyndaldy.
