Elordanyń daryndy jastary qala ákimi shyrshasyna qatysty
ASTANA. 25 jeltoqsan. QazAqparat - 150-ge jýyq oqý ozattary, pán olımpıadalary men ıntellektýaldyq jáne shyǵarmashylyq baıqaýlardyń jeńimpazdary Astana ákimi atynan uıymdastyrylǵan jańajyldyq shyrshaǵa qatysty. Mádenı shara búgin elordadaǵy M.Ótemisov atyndaǵy Oqýshylar saraıynda ótti.
Daryndy jastar arasynda matematıkadan qalalyq olımpıadanyń jeńimpazy, № 35 mekteptiń oqýshysy Aızada Qýandyq, «Zerde» respýblıkalyq ǵylymı jobasynyń jeńimpazy, №34 mekteptiń oqýshysy Aıǵanym Eńbek, Avstralııadaǵy balalar arasynda quzǵa órmeleý boıynsha ashyq kýbokte 1-orynǵa ıe bolǵan, №1 mektep-lıtseıiniń oqýshysy Sanjar Maımuratov jáne basqa óz ónerimen, tabandylyǵymen, sheberligimen talaı jurtty tańǵaldyrǵan balalar boldy.
Jańajyldyq shyrshanyń jas qonaqtary úshin teatrlandyrylǵan oıyn-saýyqtyq baǵdarlama, ertegi qoıylymy men tátti taǵamǵa toly ústel uıymdastyryldy. Merekege kelgen ár balaǵa jańajyldyq syılyq berildi. Balalar aldynda shyǵarmashylyq ujymdarynyń, sonyń ishinde Astananyń Balalar úıiniń, «ıÝnost Astany» jáne «Zvezdnyı chas» estradalyq vokal stýdııalarynyń, «Báıterek», «Sozvezdıe» jáne «Gúldáýren» bı ansamblderiniń, «Baldyrǵan» halyq tsırkiniń ónerpazdary óner kórsetti.
