Elordanyń damýyna úles qosyp júrgen úzdik mamandar marapattaldy
Búgingi aıtýly merekege oraı Elordanyń turmystyq-áleýmettik salasyn damytýǵa qosqan úlesi úshin bir top mamandar qala basshysynyń marapatyna ıe boldy.
«Búgingi Astananyń jetken jetistigi men tabysynyń bastaýynda ártúrli salada kúndelikti qyzmet etip júrgen kásibı mamandardyń eren eńbegi jatyr. Olaı bolsa, Sizderge elimizdiń ósip-órkendeýi men qalamyzdyń gúldenýine qosqan eleýli úlesterińiz úshin alǵys aıta otyryp, otbasylaryńyzǵa amandyq, denderińizge saýlyq, qyzmetterińizge tolaǵaı tabys tileımin», - dedi qala ákimi Baqyt Sultanov.
Sonymen qatar, shahar basshysy mamandarǵa Elbasymyzdyń bastamalaryn oryndaýda jańa, kreatıvti ıdeıalar usynyp, onyń tabysty da mazmundy oryndalýyna birigip atsalysamyz degen úmitin bildirdi.
Sonymen Astana qalasynyń 2018 jylǵy úzdik qyzmetkerleri:
«Úzdik pedagog»:
Saltanat Dúısenbaeva, № 32 «Baldáýren» balabaqshasy, ádisker;
«Úzdik medıtsına qyzmetkeri»:
Gúlshat Serikbaeva, №3 qalalyq perınataldy ortalyǵynyń akýsher-gınekology;
«Úzdik avtobýs júrgizýshisi»:
Sáttibek Esim, № 1 qalalyq avtobýs parkiniń júrgizýshisi;
«Úzdik kommýnaldyq qyzmet mamany»:
Marat Súleımenov, «Astana-Tazalyq» JShS-niń bas dırektorynyń orynbasary;
«Úzdik energetık-maman»:
Juparhan Harhanbaı, «Astanaenergoservıs» AQ-nyń basqarma tóraǵasynyń orynbasary;
«Úzdik polıtsııa qyzmetkeri»:
Serik Qajyqulov, Astana qalalyq polıtsııa departamenti arnaıy daıyndyq basqarmasynyń basshysy;
«Úzdik órt sóndirýshi»:
Saǵıdolla Bekentaev, №10 qalalyq órt sóndirý bóliminiń aǵa órt sóndirýshi;
«Úzdik qutqarýshy»:
Jalǵas Danaı, Ortalyq aımaqtyq aeromobıldi jedel qutqarý otrıadynyń qutaqarýshysy;
«Úzdik áleýmettik maman»:
Gúljan Sembaeva, Astana qalalyq áleýmettik qyzmet kórsetý ortalyǵynyń mamany.
Buǵan deıin habarlaǵanymyzdaı Astanada búgingi mereke qurmetine «Jańa dáýir -jarqyn bolashaq» atty kontsert ótip jatyr.
