Elordanyń damýyna aldaǵy úsh jylda qansha qarjy jumsalady

NUR-SULTAN. QazAqparat - Nur-Sultan qalasy máslıhaty komıssııasynyń kezekti otyrysynda 2021-2023 jyldarǵa arnalǵan bıýdjet jobasy qaraldy. Máslıhat depýtattary qalanyń qurylys, ekologııa, kólik, saýda jáne TKSh baǵytynda qarajat bólýdi qarastyrdy, dep habarlaıdy QazAqparat tilshisi.

«Úsh jyldyq bıýdjettiń parametrleri aǵymdaǵy jaǵdaıdy eskere otyryp qalyptastyryldy, ıaǵnı boljamdy ındıkatorlardyń túzetilýi nazarǵa alyndy», - dedi qalalyq Ekonomıka jáne bıýdjettik josparlaý basqarmasynyń basshysy Qaısar Mańqaraev turaqty komıssııanyń otyrysynda.

Osy oraıda ol bıýdjet kiristeri týraly jeke toqtaldy.

«2021-2023 jyldary jetkizilgen lımıtterge sáıkes, jeke kiristerdiń túsimi 1 trln 1 mlrd 376 mln teńgeni quraıdy. Onyń ishinde 2021 jyly 319,7 mlrd teńge, 2022 jyly – 332,2 mlrd jáne 2023 jyly - 349,3 mlrd teńge. 2021 jyly jeke kiris kólemi 319,7 mlrd teńge somasynda baǵalanyp otyr, bul turǵyda 5 paıyz ósim qamtyldy. Onyń ishinde salyqtyq túsimder 315,9 mlrd teńge, salyqtyq emes túsimder 1,1 mlrd teńge, sondaı-aq negizgi kapıtaldy satýdan keletin túsim 2,7 mlrd teńge. Aldaǵy úsh jylda salyqtyq túsimder elordanyń jeke kiristeriniń jalpy kóleminen 98 paıyzǵa jýyǵyn qamtamasyz etedi», - dedi Qaısar Manqaraev.

Onyń aıtýynsha, jergilikti úsh jyldyq bıýdjettiń shyǵystary 1 trln 1 mlrd 376 mln teńge somasynda josparlanǵan. Sáıkesinshe, Onyń ishinde 2021 jyly 319,7 mlrd teńge, 2022 jyly – 332,2 mlrd, 2023 jyly 349,3 mlrd teńge jumsalmaq.