Elordanyń «búkir kópiri» tekseriledi
NUR-SULTAN. QazAqparat – Elorda ákimi Altaı Kólginov jumys sapary barysynda qaladaǵy birqatar nysandy aralap, kúrdeli jóndeý jumystaryn júrgizý úshin №2 jol ótpesin («búkir kópir») tekserýdi tapsyrdy, dep habarlaıdy QazAqparat tilshisi.
Nur-Sultan qalalyq qoǵamdyq damý isteri basqarmasynyń málimetinshe, kúrdeli jóndeý jumystaryna baılanysty Bógenbaı batyr dańǵyly boıynda Sh. Ýálıhanov kóshesinen Aqjol kóshesine deıingi ýchaskede qozǵalys shekteledi. Bul ýchaskede jolaqtar sany barlyq baǵytta tórtten ekige qysqarady. Baǵdar avtobýstaryn qospaǵanda kópir bóliginen Sh. Ýálıhanov kóshesine sol burylysqa ýaqytsha tyıym salynady.
Shekten tys júktemeni azaıtý maqsatynda jaqyn mańdaǵy qıylystarda basqa da jumystar júrgiziledi.
