Elordanyń birneshe kóshesinde qozǵalys shekteledi - Jol polıtsııasy
TANA. 24 qazan. QazAqparat /Jasulan Amanbaıuly/ - Astanada 23-26 qazan kúnderi Respýblıka dańǵylynyń Abaı dańǵylynan bastap Seıfýllın kóshesine deıingi ýchaskesi kólik quraldary úshin jabylady.
Bul týraly búgin baspasóz máslıhatynda qalalyq Jol polıtsııa basqarmasy bastyǵynyń orynbasary Baqytjan Malybaev málim etti.
Onyń aıtýynsha, bundaı sharalar Qazaqstan Táýelsizdiginiń 20 jyldyǵyna arnalǵan Aımaqtar kúniniń ótkizilýine oraı jasalyp otyr. Osy kúnderi Respýblıka dańǵylynyń boıyndaǵy «Jastar» saraıynyń aýmaǵynda Almaty oblysynyń aýyl sharýashylyǵ jármeńkesi uıymdastyrylmaq.
Sonymen qatar Jol polıtsııasy atalmysh ýaqyt aralyǵynda Beıbitshilik kóshesiniń bastaýyn jaýyp, kólik qozǵalysyna shekteý qoıatyn bolady.
«Pavlodar oblysynyń mádenıet kúnderi is-sharasy aıasynda Astana Ákimdiginiń ákimshilik ǵımaratynyń aldyndaǵy alańda aýyl sharýashylyǵy jármeńkesi ótkizilitein bolady. Osyǵan oraı, Beıbitshilik kóshesiniń Kenesary men Abaı dańǵylyna deıingi, Otyrar kóshesiniń Beıbitshilik kóshesinen Bókeıhan kóshesine deıingi jáne Bıgeldınov kóshesiniń Beıbitshilikten bastap Jeltoqsan kóshesine deıingi ýchaskelerinde qozǵalys shekteledi», - dedi B. Malybaev.
Atalǵan ýchaskelerdegi jol qozǵalysyn jol polıtsııasynyń 107 ınspektory qadaǵalaıtyn bolady.
«Kólik qozǵalysyna shekteý qoıylýyna baılanysty qala turǵyndary men qonaqtaryn oǵan túsinistikpen qaraýdy, kórsetilgen qala ýchaskelerin aınalyp ótý baǵyttaryn aldyn ala qarastyrýdy suraımyz», - dedi ol.
