Elordanyń birqatar úıleri jarty kún sýsyz otyrdy
ASTANA. Shildeniń 12-si. QazAqparat - Elordanyń Almaty aýdanyndaǵy Ǵabdýllın kóshesi boıynda, tańerteń qubyrdyń tozýy saldarynan dıametri 300 mılımetrlik sý qubyry jaryldy, dep habarlady QR Tótenshe jaǵdaılar mınıstrliginiń baspasóz qyzmetinen.
Apat saldarynan Ǵabdýllın, Tarhan kóshelerindegi birqatar úıler jáne Respýblıka dańǵyly men Imanov kóshelerinde ornalasqan eki úı sýsyz qaldy.
TJM baspasóz qyzmetiniń atap ótýinshe, túnde jóndeý jumystary tolyǵymen aıaqtalyp, sýmen jabdyqtaý qalpyna keltirilgen.
Tótenshe jaǵdaıdyń aldyn alýǵa «Astana sý arnasy» MKK-nyń apattyq brıgadasynyń 10 mamany men 5 tehnıkasy jumyldyryldy.
