Elordanyń birqatar kóshelerinde avtokólik qozǵalystaryna shekteý qoıyldy - Astana qalalyq JPB
ASTANA. Maýsymnyń 15-i. QazAqparat - Elordada joldardaǵy jóndeý jumystaryna oraı birqatar kóshelerde avtokólik qozǵalysyna shekteý qoıyldy. Bul aqparatty Astana qalalyq jol polıtsııasynyń baspasóz qyzmeti taratyp otyr.
«Seısenbi, mamyrdyń 15-i kúni asfalt-betondy jamylǵy tóseýge baılanysty Táýelsizdik kóshesinde Táshenovten Muńaıtpasov kóshesine deıin qozǵalysqa shekteý qoıyldy. Jol jumystaryna baılanysty Respýblıka dańǵylynda Samaldan Imanov kóshesine deıin jol jabyldy. Frezerlik jumystarǵa baılanysty áýejaı trassasynda kóliktik sheńberge deıingi jolǵa shekteý qoıyldy. Qudyqtardy kóterý boıynsha jol jumystaryna oraı Saryarqa kóshesinde Kenesary kóshesinen Bógembaı dańǵylyna deıin jol jabyq. Joldy asfalttaýǵa daıyndyqqa oraı Moldaǵulova kóshesinde Jeńis dańǵylynan Respýblıka dańǵylyna deıin kólik qozǵalysyna shekteý qoıyldy», delingen baspasóz qyzmeti taratqan aqparatta.
