Elordanyń birqatar kósheleri jaryqsyz otyr
NUR-SULTAN. QazAqparat - Nur-Sultannyń keı kóshelerinde elektr jaryǵy joq, dep habarlaıdy QazAqparat Ikomek qyzmetine silteme jasap.
«Astana-REK» kásipornynyń habarlaýynsha, búgin saǵat 11:44-te «Juldyz» qosalqy stansasynda apatqa baılanysty elektr qýatyn sóndirýge týra kelgen.
«Ońtústik-Shyǵys móltekaýdanynyń oń jaq beti jaryqsyz qaldy. Talǵar, Obaǵan, Qalba, Jankent, Arǵanaty, Balbyraýyn, Shyraıly, Beren, Taskesken, Aınakól, Arshyn, Kengir, Jańaózen, Balqantaý, Momyshuly kósheleri men Saıram kóshesiniń burylysy elektr qýatynan ajyratyldy» delingen habarlamada.
Mamandardyń aıtýynsha, elektr jaryǵy shamamen 2 saǵatta qaıta berile bastaıdy.
