Elordanyń bazarlary tańǵy saǵat 9-dan bastap jumys isteıdi
NUR-SULTAN. QazAQparat - Elordanyń bas memlekettik sanıtarlyq dárigeriniń jańa qaýlysyna sáıkes qaladaǵy jabyq azyq-túlik jáne azyq-túlik emes bazarlarynyń jumys kestesi ózgertildi, dep habarlaıdy QazAqparat qala ákimdigine silteme jasap.
Jańa qaýlyǵa sáıkes jabyq azyq-túlik bazarlary jumys kúnderi jáne demalys kúnderi saǵat 9:00-den 20:00-ge deıin jumys isteıdi.
Bul rette toltyrylý bir kelýshige 4 sharshy metr esebi boıynsha tolymdylyǵy 30%-dan aspaýy tıis, sondaı-aq kúsheıtilgen sanıtarııa-epıdemııaǵa qarsy is-sharalardy saqtaý qajet.
«Jabyq azyq-túlik emes bazarlardyń jumysyn uıymdastyrýdy qamtamasyz etý, bir kelýshige 4 sharshy metr esebi boıynsha tolymdylyǵy 30%-dan aspaıtyn tártipti saqtaı otyryp, kúsheıtilgen sanıtarııa-epıdemııaǵa qarsy is-sharalardy saqtaı otyryp, jumys jáne senbi kúnderi saǵat 9:00-den 20:00-ge deıin jumys isteýine ruqsat etildi. Al jeksenbi kúnderi jumys istemeıdi. Jumys ýaqyty aıaqtalǵannan keıin saýda zalynda satyp alýshylardyń júrýine tyıym salynady», - delingen sanıtarııa dárigeriniń qaýlysynda.
Aıta keteıik, turǵyndar sanıtarlyq talaptar men normalardy qatań saqtaýy kerek. Maska rejımi, áleýmettik qashyqtyq mindetti túrde saqtalýy tıis.
