Elordanyń Baıqońyr aýdanynda sýyq sý berý toqtatylady
«Astana sý arnasy» MKK 2 maýsym keshki saǵat 21:30-dan 3 maýsym tańǵy 09:00 aralyǵynda JEO-1 men óndiristik aımaqty sýmen qamtamasyz etetin dıametri 600 mm-lik aýyz sýmen jabdyqtaý jelisinde qysym rettegishin jóndeý jumystary júrgiziletindigin habarlaıdy. Osyǵan baılanysty 2 maýsym kúni saǵat 21:30-dan 3 maýsym kúni saǵat 09:00-ge deıin,ishinara Baıqońyr aýdanynda: Óndiris jáne Kırpıchnyı turǵyn úı alaptary, Pýshkın kóshesi, 69 kóshe, Alash tas joly jáne Ál-Farabı dańǵyly, JEO-1 meken-jaılary boıynsha aýyz sý berý ýaqytsha toqtatylady», - delingen atalǵan kompanııa baspasóz qyzmeti taratqan aqparatta.
Kásiporyn málimetinshe, 3 maýsymda saǵat 10:00-den 17:00-ge deıin sýmen jabdyqtaý jelilerin iske qosý jumystaryna baılanysty joǵaryda atalǵan aýdandarda sý qysymy tómendeıdi.
«Qalanyń damýyna baılanysty bul jumystar sýmen jabdyqtaý jelileriniń sapasy men senimdiligin arttyrý úshin qajet. Sizderden ýaqytsha qolaısyzdyqtarǵa túsinistikpen qarap, turmystyq jáne aýyz sý qajettilikteri úshin kúndelikti sý qoryn aldyn-ala daıyndaýdy suraımyz», - dedi «Astana sý arnasynan».
