Elordanyń Baıqońyr aýdanynda 900 oryndyq mektep pen úsh saıabaq salynady
NUR-SULTAN. QazAqparat - «Baıqońyr» aýdany ákiminiń mindetin atqarýshy Erlan Jaýlybaev halyq aldynda esep berý kezdesýinde bıyl paıdalýǵa beriletin nysandar jaıly málim etti, dep habarlaıdy QazAqparat qala ákimdiginiń saıtyna silteme jasap.
Búgingi kúni aýdanda 2 joǵary oqý orny, 7 kolledj, 19 mektep, 14 memlekettik balabaqsha jumys isteıdi.
«Bıyl Abaı atyndaǵy 900 oryndyq № 87 mektep ashyldy. Bıyl S. Seıfýllın jáne Syrdarııa kósheleriniń qıylysynda 900 oryndyq mekteptiń qurylysy aıaqtalýda. Sondaı-aq № 23, 31, 34 mektepterge 600 oryndyq jansarlas nysan salý josparlanýda. Sonymen qatar, «Kırpıchnyı» turǵyn úı alabyndaǵy №12 mektepke japsarlas qurylys salý josparlanýda», - dedi Erlan Jaýlybaev.
Onyń aıtýynsha, «Mektepke jol» respýblıkalyq aktsııasy aıasynda kópbalaly jáne az qamtylǵan otbasylardan shyqqan balalarǵa jańa oqý jylyna daıyndalýǵa kómek kórsetildi. 25 kásipker demeýshilik bildirip, 497 bala oqýǵa qajetti qural-jabdyqpen qamtyldy.
Kezdesý barysynda ol ótken jyly turǵyndardan 15 myńnan astam ótinish qaralǵanyn atap ótti. Qala turǵyndaryn TKSh, aýmaqty abattandyrý, PIK jumystary men áleýmettik máseleler tolǵandyrdy.
Sonymen qatar, Erlan Jaýlybaev bıyl «Baıqońyr» aýdanynda qorshaǵan ortany qorǵaý jáne tabıǵatty paıdalaný basqarmasymen birlese otyryp, Aqbıdaı kóshesi, Taıbýryl kóshesi jáne Abaı dańǵyly boıynda úsh saıabaqtyń qurylysy josparlanǵanyn habarlady.
«Ótken jyly ShOB, memlekettik uıymdar, kommýnaldyq kásiporyndar, PIK jáne belsendi turǵyndardyń qatysýymen 3 200 aǵash otyrǵyzyldy, 12 600 buta jáne 700 tekshe metr aǵash otyrǵyzyldy», - dedi Erlan Jaýlybaev.
