Elordanyń Baıqońyr aýdanynda 57 qurylys kompanııasy abattandyrý erejelerin buzǵan
ASTANA. QazAqparat - Baıqońyr aýdanynyń tabıǵatty qorǵaý polıtsııasy qurylǵan sátten bastap (2018 jyldyń 1 qazany) qazirgi ýaqytqa deıin qalalar men eldi mekenderdiń aýmaqtaryn abattandyrý erejelerin buzǵany úshin ınspektorlar 176 quqyq buzýshyny ákimshilik jaýapkershilikke tartty, dep habarlaıdy Astana qalasy ákimdiginiń resmı saıty.
Sonymen qatar, 1 310 725 teńge kóleminde aıyppul salý týraly qaýly shyǵaryldy. Onyń 751 562 teńgesi ótelgen.
«Bekitilgen aýmaqtardy qaraý kezinde tabıǵatty qorǵaý polıtsııa qyzmetkerleri aýdandyq ákim apparatynyń mamandarymen birlese otyryp, qurylys alańdary men ýchaskelerdiń qalany abattandyrý erejeleriniń talaptaryna sáıkestigi turǵysynan tekserý jumystaryn únemi júrgizedi. Іrgeles aýmaqtardan qardy, muzdaqtardy, qoqystardy ýaqytyly jınamaǵany jáne shyǵarmaǵany, qurylys aýmaǵynan tys qurylys materıaldaryn jınaǵany, qorshaýdyń jáne nysannyń qurylys pasportynyń bolmaýy, úlken júk avtokóliginiń dóńgelekterin jýý pýnktteriniń joqtyǵy úshin 57 qurylys kompanııasy jaýapkershilikke tartyldy. Salynǵan aıyppuldyń jalpy somasy 986 050 teńgeni quraıdy», - dep málimdedi aýdan ákimdiginiń baspasóz qyzmetinde.
«Belgilenbegen jerde qar, qoqys, beton, balshyq tókkeni úshin jyl basynan beri 43 júrgizýshi jaýapkershilikke tartyldy. Bul baǵyttaǵy jumys jalǵasyn taýyp, Astana qalasy Polıtsııa departamenti basshylyǵynyń turaqty baqylaýynda bolady», - delingen habarlamada.
