Elordanyń Baıqońyr aýdanyn sý basty: Ákimdik tún ortasyna deıin jaǵdaıdy túzeýge ýáde berdi
NUR-SULTAN. QazAqparat - Elordanyń Baıqońyr aýdany ákimdigi aýdanǵa qarasty birqatar kósheni sý basyp ketýine baılanysty jaǵdaıǵa túsinikteme berdi, dep habarlaıdy QazAqparat tilshisi.
«Jaýyn-shashynnyń kóp túsýine baılanysty «Baıqońyr» aýdanynda sý basqan ýchaskelerden sýdy sorǵytý jumystary júrgizilip jatyr. Bul jumystarǵa 22 assenızatorlyq mashına, 4 matopompa jáne 1 arnalardy tazartýǵa arnalǵan «Camel» mashınasy jumyldyrylǵan«, - dep atap ótti aýdan ákimdiginiń baspasóz qyzmetinen.
Usynylǵan aqparatqa sáıkes, osy ýaqytqa deıin 4 myń tekshe metrden astam sý sorǵytylǵan. Qazirgi ýaqytta Táshenov, Baraev, Kravtsov, Imanov, Tarhan, Pýshkın, Taha Hýseın jáne eski bazar aýdanyn nóser jaýyn saldarynan sý basqany belgili. Tótenshe jaǵdaı saldary túngi 00-00-ge deıin joıylmaq. Jumys jalǵasyp jatyr.
