Elordanyń basketbolshy órenderi Qazaqstannyń chempıony atandy

Jarysqa 2003-2004 jáne 2005-2006 jylǵy týylǵan oıynshylar qatysty. 2005-2006 j.t. basketbolshylarymyz erekshe oıyn úlgisin kórsetip, birinshi oryndy jeńip aldy. Olarmen birge Astana atynan barǵan 2003-2005 j.t. oıynshylar 7 komanda ishinde 5-shi orynnan kórindi.

2003-2004 jylǵy sportshylar sanatynda Astana qalasy, Aqtóbe, Aqmola, Qaraǵandy, Batys Qazaqstan, Ońtústik Qazaqstan oblystary jáne Shymkent qalasynyń komandalary qatysty.

Bul jas sanaty boıynsha qorytyndy mynadaı:

1 oryn - Qaraǵandy oblysy

2 oryn - OQO

3 oryn - Aqmola oblysy

4 oryn - Aqtóbe oblysy

5 oryn - Astana qalasy

6 oryn - BQO

7 oryn - Shymkent qalasy

2005-2006 jylǵy basketbolshylar sanaty boıynsha Astana, Qaraǵandy 1 jáne 2 komanda, Batys Qazaqstan, Ońtústik Qazaqstan oblystarynan jáne Chelıabınsk qalasynyń komandalary ózara myqtyny anyqtady. Fınalda Astana men Qaraǵandy oblysynyń komandalary kezdesip, oıyn 57-46 esebimen aıaqtaldy. Osylaısha, elorda komandasy ekinshi ret osy jas kategorııasy boıynsha Qazaqstan Respýblıkasynyń chempıony atandy.

Bul jas sanaty boıynsha qorytyndy mynadaı:

1 oryn - Astana qalasy

2 oryn - Qaraǵandy oblysy - 1

3 oryn - BQO

4 oryn - OQO

5 oryn - Qaraǵandy oblysy - 2 

6 oryn - Chelıabınsk qalasy

Chempıonat qorytyndysy boıynsha ár jas kategorııasy boıynsha jattyqtyrýshylardyń daýys berýi arqyly týrnırdiń eń úzdik oıynshylary anyqtalady. Bul joly elorda komandasy atynan 5 úzdik sportshy qataryna  №5 olımpıadalyq rezervtegi balalar men jasóspirimder mamandandyrylǵan sport mektebiniń 3 oqýshysy endi.

2003-2004 jylǵy basketbolshy órender arasynda Darıa Bogdanets úzdik oıynshy atandy.

2005-2006 jylǵy sportshylar sanatynda úzdik oıynshylar qatarynan Darıa Golovına men Tamıla Solsanova kórindi.