Elordanyń bas shyrshasy TMD-nyń shyrshalary tiziminde toǵyzynshy orynda tur
NUR-SULTAN. QazAqparat – TýrStat saraptamalyq agenttigi TMD elderi astanasyndaǵy 2020-ǵa arnalǵan eń bıik jańa jyldyq bas shyrshalardyń reıtıngin usyndy, dep habarlaıdy QazAqparat.
Reıtıng TMD elderi astanasyndaǵy jańa jyldyq bas shyrshalardyń bıiktigin zertteý nátıjeleri boıynsha quryldy.
TMD elderindegi eń bıik jańa jyldyq shyrshalardyń alǵashqy ondyǵyna Ashhabad (40 metr), Erevan (37 m), Tashkent (36 m), Baký (34 m), Mınsk (30 m), Dýshanbe (29 m), Máskeý (27 m), Bishkek (27 m), Nur-Sultan (25 m) jáne Kıshınev (20 m) qalalaryndaǵy shyrshalar endi.
Qazaqstannyń bas shyrshasy Nur-Sultan qalasynda EKSPO-2017 aýmaǵynda ornatylǵan. Bıiktigi 25 metr bolatyn bas shyrsha 20 jeltoqsan kúni saltanatty túrde jaǵylǵan bolatyn.
Almatynyń bas shyrshasynyń bıiktigi – 20 metr. Onyń shamdary 19 jeltoqsan kúni «Astana» alańynda jaǵyldy.
Aıta keteıik, Máskeýdegi Kreml janyndaǵy alańda 27 metrlik Reseıdiń bas shyrshasy – TMD elderi astanasyndaǵy jańajyldyq bas shyrshalardyń arasyndaǵy «tiri» shyrsha
Sondaı-aq, QR Ekologııa, geologııa jáne tabıǵı resýrstary mınıstrligi qazaqstandyqtardy «tiri» shyrshadan bas tartýǵa shyqyryp, «Eko-shyrsha» chellendjin joldady.
Eske sala keteıik, aktsııa aıasynda Nur-Sultan qalasynda 250 plastık bótelkeden jasalǵan shyrsha jasaldy. Jasandy shyrsha balalar men ekobelsendilerdiń óz qoldarynan jasaǵan oıynshyqtarymen bezendirildi.
