Elordanyń bas sanıtarlyq dárigeri koronavırýstyń balalar arasynda taralýy týraly aıtty
NUR-SULTAN. QazAqparat –Nur-Sultan qalasynyń bas sanıtarlyq dárigeri Janna Pralıeva balalar arasynda koronavırýstyń taralýy jaǵdaıy týraly aıtty, dep habarlaıdy QazAqparat tilshisi.
Balalar men jasóspirimder arasyndaǵy koronavırýspen syrqattaný jaǵdaıyn toqtalǵan ol, «KVI tirkeýdiń barlyq kezeńinde 14 jasqa deıingi balalar arasynda barlyǵy 594 jaǵdaı (4,2%) bolsa, onyń ishinde 252-si sımptomdarmen (42%), 342-si sımptomsyz (58%). 15-17 jastaǵy jasóspirimder arasynda 75 jaǵdaı nemese jalpy syrqattanýshylyqtyń 0,5 paıyzy (31-i sımptomdarmen , 44-i sımptomsyz) deńgeıinde», - dedi.
Osy oraıda J. Pralıva kóbinese aýrý balalar úıde KVI naýqastarymen tyǵyz baılanysta bolǵan.
«Maýsym aıynda mektep jasyna deıingi balalar arasynda sımptomsyz dárejede 3 jaǵdaı tirkeldi», - dedi ol.
