Elordanyń bas sanıtarlyq dárigeri qoǵamdyq kólik jumysyndaǵy ózgeristerdi túsindirdi
«Bıylǵy 25 jeltoqsandaǵy jaǵdaıy boıynsha qalada 17 972 (+60) COVID-19 jaǵdaılary tirkelgen, onyń ishinde 16 465 naýqas (92%) saýyǵyp shyqty. 1151-i statsıonarlyq jáne ambýlatorııalyq em-dom alyp jatyr. 356 ólim jaǵdaıy (1,9%) tirkeldi», - dedi Janna Pirálıeva.
Onyń aıtýynsha, kyrkúıek pen qazan aıynyń alǵashqy on kúninde qaladaǵy epıdemıologııalyq ahýal turaqty dep baǵalandy, biraq qazan aıynyń ekinshi jartysynan bastap reprodýktıvti san 1-den asty, sondyqtan qala «sary aımaqqa» ótti.
«Qala 10 jeltoqsanǵa deıin «sary aımaqta» boldy, ári qaraı «qyzyl aımaqqa» aýysyp bir apta turdy. Qaladaǵy júrgizilip jatqan shekteý jáne karantındik sharalar nátıjesinde indet juqtyrýdyń tómendeýi baıqaldy. Nátıjesinde, qala «jasyl aımaqqa» aýysyp, ári qaraı 22 jeltoqsannan «sary aımaqqa» kóshti. Qazirgi kezde qala «sary aımaqta» tur», - dedi bas sanıtarlyq dáriger.
Onyń sózine qaraǵanda, joǵaryda aıtylǵandardy, sondaı-aq sońǵy 2 aptada ınfektsııalyq aýrýhanalardyń júktemesin jáne turǵyndardyń indetke qatysty medıtsınalyq kómekke júginýi boıynsha birshama oń tendentsııany eskere otyryp, qaladaǵy keıbir jekelegen qyzmet túrleriniń jumys rejımderin qaıta qaraý týraly sheshim qabyldandy.
Osy oraıda qoǵamdyq kólik jumysyna qarbalas saǵattarda avtobýstar sanynyń artýymen sońǵy aıaldamada dezınfektsııalyq quraldarmen salonda tazalyq jumystaryn júrgizý eskerilgen. Sonymen qatar avtobýstyń barlyq esikterin ashý, jolaýshylar úshin sanıtaızer ornatý, áleýmettik araqashyqtyqty mindetti túrde saqtaý, maska taǵý rejımin oryndaý talaptary qoıylǵan. Jumys, demalys ári mereke kúnderi saǵat 6:00-dan 23:00-ge deıin jumys kestesi belgilendi.