Elordanyń bas sanıtarııa dárigeri shekteý sharalary týraly qaýlyny ózgertti

Oıyn-saýyq, sport, otbasylyq (úılený toılar, týǵan kúnder, jerleý jáne t. b.), estelik is-sharalardy, sondaı-aq jınalys, jıyn jáne basqa da buqaralyq is-sharalardy ótkizýge tyıym salynady.

Sport jattyǵýyn keminde 2 metr áleýmettik qashyqtyqty mindetti túrde saqtaı otyryp, jeke tártippen jáne 5 adamnan aspaıtyn toptarda tek ashyq aýada ótkizýge bolady.

Tabıǵatqa ekskýrsııa, korporatıv, toptyq sapary uıymdastyrýǵa jáne óńirdiń kórikti jerlerine sholý jasaýǵa, sondaı-aq jaǵajaılarda shomylýǵa tyıym salynady. Mundaı saparǵa 3 adamnan nemese bir otbasy múshelerimen ǵana barýǵa bolady.

Jumys kúni (aýysymnyń) barynsha qysqartyla otyryp, menshik nysany men qyzmetkerlerdiń shtat sanyna qaramastan barlyq uıymdardyń, kásiporyndardyń qyzmetkerleriniń keminde 80% úshin qashyqtyqtan jumys isteýi tıis.

Jumys kúnderi qalalyq qoǵamdyq kólik saǵat 6:00-den 23:00-ge deıin jáne demalys jáne mereke kúnderi saǵat 9:00-den 21.00-ge deıin qatynaıdy.

HQKO jumysyn aldyn ala qatań túrde Egov.kz, EgovKZBot 2.0 telegram bot arqyly brondaý retimen, jumys kúnderi saǵat 09:00-den 20:00-ge deıin jáne senbi kúni saǵat 09:00-den 18:00-ge deıin isteıdi. Qujattaý bólimi: jumys kúnderi túski úzilissiz saǵat 09:00-den 18:30-ǵa deıin jáne senbi kúni saǵat 09:00-den 14:00-ge. Mamandandyrylǵan bólim: jumys kúnderi jáne senbi kúni saǵat 09:00-den 18:00-ge deıin qujattardy qabyldaý, daıyn qujattardy túski úzilissiz saǵat 09:00-den 20:00-ge deıin.

Saýda-oıyn-saýyq ortalyqtary, saýda úıleri bir kelýshige 4 sharshy metr esebinen jobalyq qýattyń 30%-nan aspaıtyn tolymdylyǵyn saqtaı otyryp, jumys kestesin saǵat 10.00-den 22.00-ge deıin belgileıdi. Demalys jáne mereke kúnderi jumysyna tyıym salynady. Bul rette kórsetilgen obektiler men olardyń aýmaqtarynda ornalasqan attraktsıondardyń, balalardyń oıyn alańdarynyń, kınoteatrlardyń, oıyn ortalyqtarynyń, fýdkorttardyń jumysyna qatań tyıym salynady.

Jabyq azyq-túlik jáne azyq-túlik emes bazarlar jumys kúnderi saǵat 10:00-den 17:00-ge deıinisteıdi, demalys jáne mereke kúnderi jumys isteýine tyıym salynady.

Bilim berý ortalyǵy, balalar men eresekterge arnalǵan úıirme, balalardy damytý ortalyqtary (5 adamǵa deıingi toptarda aldyn ala jazylý boıynsha,) jumys kúnderi saǵat 11:00-den 18:00-ge deıin jumys kestesin belgileı otyryp isteıdi. Demalys jáne mereke kúnderi jumys isteýine tyıym salynady.

Sán salony, shashtaraz, kosmetıka jáne kosmetologııa qyzmetter, manıkıýr jáne pedıkıýr qyzmetin kórsetetin ortalyqtar men salondar (qatań túrde 1 kelýshige 4 m2 esebinen aldyn ala jazylý boıynsha) jumys kúnderi saǵat 10.00-den 20.00-ge deıin isteıdi, demalys jáne mereke kúnderi istemeıdi.

Monsha, saýna (massajsyz jáne pılıngsiz) jumys kúnderi saǵat 10:00-den 22:00-ge deıin (aldyn ala jazylý boıynsha), demalys jáne mereke kúnderi jumys istemeıdi.

Fıtnes-ortalyq, fıtnes-klýb, sport-saýyqtyrý obektiler aldyn ala jazylý boıynsha, basseınderde bir jolda bir kelýshiden ǵana bolý jáne jumys kúnderi saǵat 07:00-den 22:00-ge deıin isteıdi, demalys jáne mereke kúnderi istemeıdi.

Balabaqshada kezekshi toptar 15 baladan artyq toltyrmaı jumys kúnderi saǵat 07:30-dan 18:30-ge deıin isteıdi, demalys jáne mereke kúnderi jumystaryna tyıym salynady.

Qoǵamdyq tamaqtandyrý obektileri (meıramhana, dámhana, bar, ashana) ǵımarattyń ishinde 30-dan artyq emes jáne jazǵy alańda 30-dan artyq emes oryndyqqa ruqsat beriledi. Ústelder arasynda keminde 2 metr qashyqtyq saqtalýy kerek. Bir ústelge 4-6 adamnan aspaı otyrady. Jumys kúnderi jumys kestesin 9:00-den 23:00-ge deıin, jeke ıelik aýmaqtary men turǵyn úı ǵımarattarynda ornalasqan obektiler úshin jumys kestesi saǵat 9:00-den 22:00-ge deıin uıymdastyrylady. Demalys jáne mereke kúnderi 9:00-den 22:00-ge deıin jáne tamaq jetkizýge jumys kestesi saǵat 9:00-den 23:00-ge deıin belgilene otyryp ruqsat beriledi.

Osy qaýly 2020 jyldyń 31 tamyzynan bastap kúshine enedi.