Elordanyń bas sanıtar dárigeri kınoteatrlardyń ashylýyna qatysty túsinik berdi
NUR-SULTAN. QazAqparat – Nur-Sultan qalasynyń bas sanıtar dárigeri Janna Pirálıeva elordada kınoteatrlardyń ashylýyna qatysty túsinik berdi, dep habarlaıdy QazAqparat tilshisi.
«Kınoteatrlardyń ashylýy taqyrybyna toqtalsaq, bul epıdemıologııalyq jaǵdaıǵa baılanysty bolady. Búginde tıisti qaýly áli shyǵarylmady. Eger de qaýlyny shyǵaratyn bolsaq, onda kórermenderdi otyrǵyzýdyń barlyq algorıtmderi men kınoteatrlardy ashý kezindegi qajetti sharalar eskeriledi», - dedi Janna Pirálıeva Ortalyq kommýnıkatsııalar qyzmetinde.
Eske sala keteıik, mamyr aıynyń sońynda Vedomstvoaralyq komıssııa birqatar mekemelerdiń jumysyn jandandyryp, blokpostardy ashý týraly sheshim qabyldady.
Osy oraıda 15 maýsymnan bastap kınoteatrlar kórermenderge esigin aıqara ashady. Biraq sanıtarlyq talaptardyń saqtalýy mindetteledi.
Budan buryn habarlanǵandaı, Janna Pirálıeva elordada koronavırýsqa qatysty talaptar oryndalmaǵan jaǵdaıda karantın kúsheıtilýi múmkin ekenin aıtty.
