Elordanyń «Barys» komandasy óskemendik «Qazmyrysh-Torpedo» hokkeı komandasyn 5-1 esebimen utty

Keshe elordadaǵy «Qazaqstan» sport kesheninde el Táýelsizdiginiń 20 jyldyq mereıtoıyna oraılastyrylǵan QR Prezıdenti kýbogy úshin shaıbaly hokkeıden halyqaralyq týrnır barysynda elimizdiń beldi eki komandasy qarsylas boldy. Oıyn nátıjesinde elordanyń «Barys» komandasy 5-1 esebimen jeńiske jetti.

Aıta keteıik, sporttyq sharaǵa Qazaqstan men Reseı Federatsııasynyń negizgi hokkeı komandalary qatysýda. Jankúıerler Hanty-Mansynyń «ıÝgra», Habarovskiniń «Amýr», sonymen qatar astanalyq «Barys» jáne óskemendik «Qazmyrysh-Torpedo» klýbtary oıynshylarynyń muz aıdynyndaǵy ónerin tamashalaýǵa múmkindik alyp otyr. Elordanyń «Barys» komandasymen ótken matchtar jáne 13 tamyz kúngi fınaldyq oıyn «Astana» telearnasynan tikeleı efır arqyly kórsetiledi.