Elordanyń barlyq saýda jelileri azyq-túlikpen qamtamasyz etilgen - Erlan Bekmyrzaev
«Shynymen de áleýmettik mańyzy bar taýarardy jetkizýdegi irkiliske qatysty másele bolǵan edi. Apta basynda qala basshylyǵy jedel keńes ótkizdi. Búgingi kúni azyq-túlik taýarlaryn jetkizýde eshqandaı irkilis joq. Barlyq saýda jelileri áleýmettik mańyzy bar azyq-túlik taýarlarynyń qajetti kólemimen qamtamasyz etilgen», - dedi ol.
Basqarma basshysynyń atap ótýinshe, «Magným», «Astyqjan», «Small», «Ken Mart» saýda jelilerinde, sonymen qatar «Shapaǵat», «Artem», «Eýrazııa» bazarlarynda azyq-túliktiń qalaǵa qajetti kólemi bar.
«Alańdaýǵa eshqandaı sebep joq. Biz arnaıy saraptama da júrgizdik. Saýda jelileriniń atap ótýinshe, 2008 jylǵy daǵdarysta, 2013, 2014 jyldardaǵy teńge qunsyzdanýy kezinde azyq-túlikti jappaı satyp alýy alǵashqy 3-4 kúnde oryn alǵan. Sodan keıin bári tynyshtalady. Qajetti barlyq azyq-túlik bar. Atalǵan saýda jelileri azyq-túlik taýarlaryn jetkizýshilermen kelisimshart jasasqan. Alańdaýǵa da, baıbalam salýǵa da esh sebep joq»,- dedi Erlan Bekmyrzaev.
