Elordanyń barlyq mektepteri kúrdeli jóndeýden ótti
ASTANA. 20 tamyz. QazAqparat - Astananyń barlyq mektepterinde (jańalarynan basqa) kúrdeli jóndeý jumystary júrgizildi. Bul týraly búgin Astana qalasynyń bilim berý salasy qyzmetkerleriniń dástúrli tamyz konferentsııasy barysynda Bilim basqarmasynyń jetekshisi Ásıma Bımendına málim etti, dep habarlaıdy astana.kz caıty.
Basqarma jetekshisi Astana qalasy bilim berý júıesiniń damýyna toqtaldy.
«2000 jyly elordada mektepke deıingi mekemege 8 myń bala barsa, 2013 jyly olardyń sany 32 575 qurady. Muǵalimderdiń jalaqysy 3 esege kóterildi. Budan basqa, qala ákiminiń grantyn ıelengen 50 oqytýshyǵa jalaqynyń 50% kóleminde ústemaqy tólenedi», - dedi ol.
Astanalyq túlekterdiń UBT kórsetkishteri de artqan.
«Bıyl UBT boıynsha ortasha ball 81 qurady, al 2012 jyly 78 ball bolǵan», - dedi Á. Bımendına.
