Elordanyń avtobýs parkterin sýbsıdııalaý máselesin sheshý kerek - Astana LRT
ASTANA. QazAqparat - Elordanyń avtobýs parkterin sýbsıdııalaý máselesin sheshý kerek. Bul týraly búgin Astananyń Qoǵamdyq keńesinen keıin «Astana LRT» JShS-niń basqarma tóraǵasy Bekmyrza Igenberdınov aıtty, dep habarlaıdy QazAqparat tilshisi.
«Búgingi kúni bizdiń barlyq avtobýs parkterimiz shyǵynǵa batyp otyr. Qazirgi kezde qoldanystaǵy tarıf pen sýbsıdııanyń bolmaýy odan ári damýǵa múmkindik bermeı otyr. Soǵan sáıkes, olar barlyǵynan únem jasaıdy. №1 avtobýs parki flagman sanalady jáne onda barlyq júrgizýshiler men kondýktorlar shtatqa kiredi. Olarǵa barlyq salyqtar tólenip, shyǵyndary tolyqtaı kórsetiledi. Park birtinden shyǵynǵa batyp jatyr. Qazirdiń ózinde №1 avtobýs parkinde aıtarlyqtaı qaryz jınaqtalyp qaldy. Basqa da parkterde jaǵdaı osyndaı. Sondyqtan parkter úshin qazir sýbsıdııa máselesin sheshpesek, jaǵdaı kúrdelenedi», - dedi ol.
Sonymen qatar, Bekmyrza Igenberdınov BAQ ókilderiniń máslıhat depýtattarynyń ishinde qalalyq avtobýs parkine ıelik etetinder bar degen saýalyna jaýap berdi.
«Qazirgi ýaqytta máslıhat depýtattary avtobýs parkteriniń aktsıoneri nemese quryltaıshysy bolyp tabylady degen aqparat joq. Al máslıhat sessııasy erteń ótedi. Ákimdik qala turǵyndary úshin alańdaıdy. Biz jolaýshylar aǵynynyń naqty ári ashyq bolýy úshin, qalalyqtardyń árbir sapary jaıly bolýy úshin alańdaımyz»,- dedi basqarma tóraǵasy.
Aıta keteıik, elordada saralanǵan tarıf engizilgen kezde qoǵamdyq kólikte jol júrý quny kólik kartasymen tóleý kezinde 90 teńgeni quraıdy. Al qoǵamdyq kólikti jıi paıdalanbaıtyn nemese karta alýdy qajetsinbeıtinder úshin jol júrý quny 180 teńge bolady.
Sonymen qatar avtobýstarda kondýktor bolmaıdy.
