Elordanyń aýdan ákimdikteri halyqty qabyldaý kúnin ótkizedi
NUR-SULTAN. QazAqparat - 9 tamyzda Nur-Sultan qalasynyń 4 aýdandyq ákimdiginde ashyq esik kúni ótedi, dep habarlaıdy QazAqparat elorda basshysynyń baspasóz qyzmetine silteme jasap.
Shara barysynda qala turǵyndary ózderiniń ótinishteri men usynystary boıynsha aýdan ákiminen, qalalyq basqarma basshylarynan tikeleı jaýap ala alady.
Málim etilgendeı, «Ashyq ákimdik» astananyń barlyq aýdan turǵyndarymen tıimdi keri baılanys ornatatyn turaqty alańǵa aınalady.
«Bul – memlekettik qyzmetterdiń ashyqtyǵy men qol jetimdiligin, sapasyn qamtamasyz etetin suhbat alańy. Osylaısha, qala turǵyndary aldyn ala jazylýsyz memlekettik organ ókilderimen tikeleı kezdesip, ózderiniń túıitkilderin jetkize alady. Quqyqtyq jáne áleýmettik kómek alý máselelerin sheshedi. Elordalyqtar konsýltatsııa men óz saýaldaryna jaýap alý úshin turǵylyqty jeri boıynsha aýdan ákimi apparattaryna júgine alady», - delingen ákimdik aqparatynda.
«Almaty» aýdany ákiminiń apparaty turǵyndardy Táýelsizdik dańǵyly, 7 meken-jaıynda ornalasqan aýdan ákimdiginiń ǵımaratynda, «Baıqońyr» aýdanynyń ákimdigi «Jastar» saraıynda (Respýblıka dańǵyly, 34), «Esil» aýdanynyń ákimdigi aýdandyq ákimdik ǵımaratynda (Qabanbaı batyr kóshesi, 33), «Saryarqa» aýdanynyń ákimdigi Saryarqa dańǵyly, 13 mekenjaıynda ornalasqan ákimdik ǵımaratynda ótkizedi.
«Ashyq ákimdik» ashyq esik
kúni saǵat 10.00-den 13.00-ge deıingi aralyqta ótedi.
