Elordanyń ataqty gazeti jabylyp qaldy
ASTANA. qazAqparat - «Tsesna» korporatsııasy» AQ 25 jyldan beri Astanada basylyp kele jatqan «Info-Tses» gazetiniń jabylǵanyn jarııa etti, dep habarlaıdy QazAqparat.
«Aktsııalary Qazaqstannyń bırjalyq qorynyń (KASE) resmı tizimindegi «Tsesna» korporatsııasy» AQ 2016 jyldyń 30 jeltoqsany kúni KASE-ge óziniń enshiles kompanııasy «Info-Tses» gazeti» JShS-yn joıý týraly sheshimin jetkizdi», - dep habarlanyp otyr KASE saıtynda.
Gazettiń sońǵy nómiri 2016 jyldyń aıaǵynda jaryqqa shyqqan. Aptalyq basylymnyń bas redaktory Sergeı Leskovskıı gazettiń 30 jeltoqsandaǵy nómirinde gazettiń alǵashqy nómiri «Tsesna» korporatsııasynyń mýzeıinde saqtalady dep jazǵan bolatyn.
«Shırek ǵasyr ýaqyt ishinde gazettiń 1 567 nómiri basyldy. Qaıta jazyp shyǵýǵa bolmaıtyn tamasha tarıh, sebebi, gazet qoljazba sekildi, eshqashan joǵalmaıdy. Jańa zaman óz erejelerin ornatty. Biz jańa talapty ne qabyldaımyz ne qabyldaı almaıyz», - dedi oqyrmandarymen «qoshtasqan» S. Leskovskıı.
