Elordanyń Almaty aýdanyndaǵy 74 kóshede asfalt joq

ASTANA. QazAqparat – Elordanyń Almaty aýdanyndaǵy 74 kóshede asfalt tósemi joq. Bul týraly qalalyq kommýnıkatsııalar qyzmetinde ótken brıfıngide Astana qalasy Almaty aýdanynyń ákimi Maqsat Samatuly aıtty, dep habarlaıdy QazAqparat tilshisi.

«Aýdanymyzda 344 kóshe bar. Biraq ókinishke qaraı, 270 kóshede ǵana asfalt jabyndysy bar. Qalǵan 74 kóshede asfalt joq, biraq jol júrýge yńǵaıly etip jasalǵan. Byltyr jalpy uzyndyǵy 15 shaqyrymdy quraıtyn 25 kóshege jóndeý júrgizildi. Onyń ishinde ınjenerlik jelilermen qosa alǵanda 19 kóshege kúrdeli jóndeý júrgizildi», - dep toqtaldy M.Samatuly.

Sonymen qatar, brıfıngi barysynda ákim bıyl aýdan aýmaǵynda 10 qoǵamdyq keńistikke abattandyrý jumystary júrgiziletinin málimdegen edi. Buǵan qosa, jyl sońyna deıin kóshelerdi jaryqtandyrý maqsatynda 1,5 myńǵa jýyq jaryqdıodty shamdar aýysyrylmaq.