Elordanyń Almaty aýdanynda kóshelerge qosymsha 92 jaryq berý qurylǵysy ornatyldy
ASTANA. 12 aqpan. QazAqparat - Qala turǵyndarynyń jaryq shamdaryn ornatý týraly ótinishterin eskere otyryp, elordanyń Almaty aýdanynda 2012 jyly
Omarov, Maılın, Pýshkın kóshelerine, Balqash, Tolstoı, Kúltóbe sholaq kóshelerine jáne «Baıqońyr» TK aldyndaǵy avtoturaqqa barlyǵy 92 jaryq berý qurylǵysy ornatyldy, dep habarlaıdy Astana qalasynyń resmı saıty aýdan ákimdigine silteme jasap.
Sonymen qatar, turǵyndar men aýdannyń PIK basshylarynyń ótinimi boıynsha, turǵyn úılerdiń aýlalaryna 87 shyraǵdan ornatylyp, energııa únemdeý úshin fotorele avtomattary aýystyryldy.
Abaı dańǵylynda Respýblıka dańǵylynan Ýálıhanov kóshesine deıin 22 eski trolleıbýs temir beton baǵanasy aýystyrylyp, ornyna jaryq shamdary bar jańa baǵanalar qoıyldy. Kúıshi Dına kóshesinde Abylaı han dańǵylynan Qudaıberdiuly dańǵylyna deıin kósheler jaryqtandyryldy.
Aýdannyń saıabaqtary men gúlzarlaryn elektrmen jabdyqtaý baǵdarlamasy aıasynda 520 jaryqdıodty shamdar aýystyryldy. Tek bir «Stýdentter» saıabaǵyna 105 jaryqdıodtyq shyraǵdan ornatyldy.
