Elordanyń Almaty aýdanynda 7 balabaqsha jóndeldi
ASTANA. QazAqparat - Elordada bıýdjet qarjysy esebinen aýmaqty abattandyrý men balabaqshalardy kúrdeli jóndeý jumystary belsendi júrgizilip jatyr. 2014 jyly Almaty aýdanynda jeti balabaqsha jóndelip, abattandyryldy, dep habarlady astana.kz
«Jalpy, bes balabaqshada kúrdeli jóndeýden ótkizildi, taǵy ekeýi «Jumyspen qamtý jol kartasy - 2020» baǵdarlamasy aıasynda jóndeldi. Sonymen qatar, aýmaqty abattandyrý jumystary júrgizildi», - dedi Astana qalasynyń Ekonomıka jáne bıýdjettik josparlaý basqarmasy basshysynyń orynbasary Gúlnár Júsipova qalalyq máslıhatta ótken komıssııa otyrysynda. Saryarqa aýdanynda «Jumyspen qamtý» kartasy aıasynda eki balabaqsha jóndeldi, tórteýi abattandyryldy. Eske salaıyq, Astana qalasy Qurylys basqarmasynyń habarlaýynsha, qazirgi kezde Almaty jáne Aqmeshit kósheleriniń qıylysynda 240 oryndyq balabaqshanyń qurylysy aıaqtaldy, sondaı-aq jyl sońyna deıin jalpy 1260 orynǵa eseptelgen bes balabaqsha men bir qosymsha ǵımarattyń qurylysy aıaqtalady. Budan basqa, 1960 orynǵa eseptelgen segiz balabaqshany salý jumystary jalǵasýda.
